ग्रामपंचायत लाहे (आ. लाहे, ता. शहापूर, जि. ठाणे) ही एक प्रगत व लोकाभिमुख ग्रामपंचायत असून ग्रामीण विकास, मूलभूत सुविधा आणि डिजिटल प्रशासन यावर विशेष भर देत कार्यरत आहे. ग्रामपंचायत लाहेची एकूण लोकसंख्या सुमारे १६४८ इतकी असून सुमारे ३५८ कुटुंबे येथे वास्तव्यास आहेत. गावातील साक्षरतेचे प्रमाण अंदाजे ९५% असून ग्रामपंचायतीचे एकूण क्षेत्रफळ सुमारे १४१८.८४ हेक्टर आहे. येथील नागरिकांचा प्रमुख व्यवसाय शेती असून शेतीसोबतच पशुसंवर्धन व लघुउद्योगांमधून उपजीविकेची साधने निर्माण होत आहेत.

ग्रामपंचायत लाहे अंतर्गत नागरिकांसाठी विविध मूलभूत सुविधा उपलब्ध आहेत. यामध्ये ग्रामपंचायत भवन, जिल्हा परिषद शाळा, अंगणवाडी केंद्रे, पाणीपुरवठा योजना, इंटरनेट सुविधा, सीसीटीव्ही व्यवस्था, डिजिटल सेवा केंद्र (आपले सरकार सेवा केंद्र) तसेच माध्यमिक विद्यालय यांचा समावेश आहे. या सुविधा ग्रामस्थांच्या दैनंदिन गरजांसाठी उपयुक्त ठरत असून ग्रामपंचायतीमार्फत त्यांची नियमित देखभाल केली जाते.